القيمة الى هتقدمها لعملاءك

شركة كرياتوفا لتطوير الاعمال والحلول الرقمية وادارة المشاريع.

 تابعونا علي فيس بوك كرياتوفا

تابعونا علي تويتر كرياتوفا

النهاردة هنتكلم عن الـ Value..
من كام سنـة في بدايتي جتلي فكـرة "عبقرية" هكسّر بيها الدنيا، اشتغـلت عليها كام شهر وعملت موقـع وخلاص هـ Launch لحد ربنا ماوعدني بـ investor صـدفة وبقوله ع الفكـرة، سألني سـؤال واحد معـرفتش أرد..
الإنفستور: هي الناس عاوزة اللي انت بتعمله ده أصلا؟
أنا: أيوه.. انا بقدم كذا وكذا وبعمـل كذا وكذا
الإنفستور: الناس.. عاوزة اللي انت بتعمله ده؟ "هما" قالولك كده؟
أنا: ....

أخدت كلامة ونزلت جري أعمل حاجة كانت نقصاني وهي الـ Market Research .. سألت الناس نفس السـؤال ولقيت إن محدش عاوز اللي انا بعمـله ده ولا هيقدملهم Value جديدة رغم "عبقريته" ..
إيه اللي حصل؟
اللي حصـل إني حاولت أبيع للناس الـ Product مش الـ Value .. اتعلّمت بعـد كده إني أبيع القيمة اللي بيقدمها المنتج ده اللي هتحل مشكلة حقيقية.
لأن غالبـا بيكون في بدائل تانية ومنافسين، والحاجة الوحيدة اللي هتفرقك عنهم هي الـ Value اللي بتقدمها..
المقـولة دي بتشرح لوحدها كل اللي قولته .. قالها عالم الإقتصاد الألماني ثيـودور ليفيـت ولسه بتتدرس لحد دلوقتي.

بما إن الناس اللي واقفيـن على عربية الفول ناس بسيطة وميعـرفوش يعني إيه بيزنس و Business Model..

وبما إن عربية الفول بقت شئ أساسي في حياة ناس كتيـر ومشـروع بيجيب ربح ولو بسيط فاحنا سمحنا لنفسنا نقـول عليه بيزنس .. ونحاول ندرس الموضوع من زاوية تانية ونخلي عربية الفـول اللي تدينا دروس..

- الـ Value Proposition / القيمة المضافة لعربية الفول

1- عربية الفول في أي مكان في الشارع، لو انت ماشي في أي حتة ممكن تقف تاكل ساندوتشين في 5 دقايق وتمشي، ودي قيمة مش موجودة في أي حتى تانية ممكن تاكل من عندها حتى لو محل بيبع فول برضو.

2- سعر الساندوتش اللي تقريبا أرخص ساندوتش فول في مصر بيبقى ع العربية.

3- الجودة.. على الرغم من انه رخيص، عربية الفول بتقدملك أحلى ساندوتش فول ممكن تاكله.

- الـ Customer Relationship / العلاقة

الراجل اللي واقف على عربية الفول بيعاملك أحسن معاملة ويقدملك أحسن طلب وبيتوصى كمان ويخليك ترجعله تاني، ودي مش موجودة في محلات الفول التانية.

- الـ Customer Segments / الزباين المستهدفين

عربيـة الفول بتستهدف كل الناس، الصغير والكبير، الغني والفقير، الولد والبنت .. بتستهدف أي شخص ماشي في الشارع ويكون جعان.

الـ Key Activities / المهام الأساسية

يعني الراجل اللي واقف على عربية الفول محتاج يعمل ايه علشان يوصل القيمة المضافة للناس .. وطبعا كلنا عارفين هو بيعمل ايه، عنده الفول جاهز وبيطلعهولك وهو واقف في صورة منتج نهائي في ثواني ( الساندوتش )

الـ Key Resources / المصادر

يعني هو محتاج إيه علشان يعمل المشروع ده.. كل اللي محتاجه عربية فول وقدرة ومصدر دائم يجيب منه الفول والعيش يومياً، والأهم من كل ده يتارجت المكان الصح اللي هيقف فيه.

الـ Channels / قنوات التوزيع

عربية الفول مبتحتاجش قنـوات توزيع لأن القيمة بتاعتها قايمة على الناس اللي معدية في الشارع.

الـ Cost / التكلفة

عربية الفول بتحتاج طبعا تكاليف أولية وتكاليف دايمة، التكاليف الأولية هي سعر عربية الفول نفسها، وسعر القدرة والأدوات التانية اللي بيستخدمها..

أما التكاليف الدايمة فهي الفلوس اللي هيدفعها يومياً في الفول والعيش اللي هيجيبه طازة كل يوم.

الـ Revenue / الأرباح

عـربية الفول ليها مصـدر ربح واحد بس، وهو سعر الساندوتش وده بيتم حسابه عن طريق حساب تكلفة الفول والعيش وتحديد سعر ثابت للساندوتش بحيث يطلع هامش ربح في الآخر.

طبعاً أكيد الموديل ده من أنجح Business Models اللي ممكن تشوفوها .. كل واحد يقولنا اتعلم إيه من بيزنس موديل عربية الفول وحابب يزود إيه

شركة كرياتوفا لتطوير الاعمال والحلول الرقمية وادارة المشاريع.

 تابعونا علي فيس بوك كرياتوفا

تابعونا علي تويتر كرياتوفا

نتعلم التسويق والمبيعات من فيلم The Wolf Of Wall Street

أكيـد كلنا عارفين الفيـلم اللي أثار جـدل The Wolf Of Wall Street أو ذئب وول ستريت لليوناردو ديكابريو .. 
واللي بيحكي قصة جوردن بيلفورت واحد من أكبر رجال الأعمال الأمريكيين في شارع المال والأعمال وول ستريت..

الفيـلم واحد من أقوى الأفـلام اللي فيها دروس كتيـر أوي عن التسـويق والمبيعـات، وملناش دعـوة بأي حاجه تانية بتحصل في الفيلم grin emoticon

في فكـرة اتكررت كتيـر أوي في الفيـلم وهي (بيعـلي القلم ده!) جوردن كان بيحـدد قوة المهارة في الشخص اللي قدامه من طـريقة بيعه للقلم..

ودي نفس الطريقة تقريباً اللي استخدمها ستيف جوبز مؤسس شركة آبل من سنين كتيــر، والفكـرة دي وصلت إنها بدأ يتعمل عليها Case Study ويتم تدريسها للناس اللي عاوزه تتعلم أصول التسويق والمبيعات..

في البوست ده عاوزين كل واحد يختبـر مهارته في التسويق والمبيعات ويقولنا هتبيـع القلم ده إزاي؟! واللي اتفرج على الفيلم ياريت ميقـولش جوردن باعه ازاي ؟

شركة كرياتوفا لتطوير الاعمال والحلول الرقمية وادارة المشاريع.

 تابعونا علي فيس بوك : https://www.facebook.com/Creatova

تابعونا علي تويتر : https://twitter.com/Creatovaa

 

مش اي حد تثق فيه انه يديرلك اعمالك

جمله حقيقة لازم تعرفها وانت بتعمل بيزنس " مش اي حد تثق فيه انه يديرلك أعمالك " لان الاشخاص الغير محترفين بيجربوا فى خدمتك وبيكتسبوا خبرتهم من الشغل معاك ودا بيخلي فى احتماليه للنجاح او الفشل .

احنا فى كرياتوفا حلينا المشكله دا وقدمنا خدمات تطوير الاعمال والحلول الرقميه اللي ممكن يحتاجها اي بيزنس واي شركة فى مكان واحد يستحق انه تثق فيه .

خدماتنا هي تصميم وتطوير المواقع والدعم المستمر للمواقع وايضا التسويق الالكتروني اللى يساعدك فى الانتشار والبراندينج سواء كان الانتشار فى خلال السوشيل ميديا او كسب الزيارات من خلال محركات البحث وكل دا مش هيكون من خلال خطط واستراتجيات تسويقية احترافيه .

كمان نقدر نصور فيديو ونعمل مونتاج ونعمل انيمشن جرافيك ومعانا كاميرتنا ومتخصصين فى المونتاج والانيميشن عشان يقدروا يعملوا اجمل فيديو يلقي القبول والانتشار من الناس .

ممكن تشوف اعمالنا وتشوف خبراتنا من خلال كرياتوفا .

كرياتوفا للتسويق الاكتروني ترحب بكم فى مدونه التسويق الالكتروني

مقاله تعريفية :
نحن شركة كرياتوفا المتخصصة فى التسويق الالكتروني نرحب بكم فى مدونتنا الخاصة بالتسويق الالكتروني وسنكون دائما علي تواصل معكم من خلالها وسيتم تعليم التسويق الالكتروني وكتابة مقالات متخصصة فى التسويق الالكتروني فى هذه المدونة .

نرغب ان ننول اعجابكم وتطلعاتكم لما قد ننشرة وان شاء الله سنكون عند حسن ظنكم دائما واذا رغب شخصا ان نتكلم عن فى موضوع بعينه ونشرح بعض الاجزاء المبهمه فى التسويق الالكتروني فنحن علي استعداد ان نتحدث فيما يطلبه المستخدمين وفيما يختص فى التسويق الالكتروني .

نطلع ان تكون شركتنا ومقرنا اكبر شركة ومؤسسة ادارة مشاريع وتخصص تسويق الكتروني وهذا لن يحدث الا بكم وبجهدكم معنا فى ان ننشر محتوي ينول اعجابكم فتقوموا بعمل المشاركة معنا فيه حتي نكسب الخبرة الكافيه لنا ولكم ان شاء الله